தனியார் வேலைவாய்ப்பு முகாம் தேதி மாற்றம்

கலெக்டர் த.பிரபுசங்கர் விடுத்துள்ள அறிக்கையில் கூறியிருப்பதாவது: திருவள்ளூர் மாவட்ட நிர்வாகம், மாவட்ட வேலைவாய்ப்பு மற்றும் தொழில்நெறி காட்டும் மையம், தமிழ்நாடு மாநில அரசு ஊரக, நகர்புற வாழ்வாதார இயக்கம் இணைந்து வரும் 9ம் தேதி சனிக்கிழமை திருநின்றவூர் ஜெயா கலை மற்றும் அறிவியல் கல்லூரியில் மாபெரும் தனியார் துறை வேலைவாய்ப்பு முகாம் நடைபெறுவதாக இருந்தது.

நிர்வாக காரணங்களால் முகாம் நடைபெறும் நாள் மாற்றம் செய்யப்பட்டு வரும் 16ம் தேதி சனிக்கிழமை திருநின்றவூர், ஜெயா கலை மற்றும் அறிவியல் கல்லூரியில் நடை பெற உள்ளது. இந்த முகாமில் 200 க்கும் மேற்பட்ட முன்னணி தனியார் நிறுவனங்கள் கலந்து கொண்டு தங்களுக்கு தேவையான 15 ஆயிரத்துக்கும் மேற்பட்ட பணியிடங்களை நிரப்ப உள்ளனர்.