தென்மேற்கு வங்க கடல் பகுதியில் காற்றழுத்த தாழ்வுப்பகுதி உருவானது!

தமிழகத்தில் 15ம் தேதி வரை கனமழைக்கு வாய்ப்பு | சென்னை வானிலை மையம் அறிவிப்பு

தென் மேற்கு வங்கக் கடல் பகுதியில் உருவான வளிமண்டல கீழடுக்கு சுழற்சி மேலும் வலுப்பெற்று காற்றழுத்த தாழ்வுப் பகுதியாக நேற்று மாறியது. அதன் காரணமாக தமிழகத்தில் 15ம் தேதி வரை ஓரிரு இடங்களில் கனமழை பெய்யும் என்றும் சென்னை வானிலை ஆய்வு மையம் தெரிவித்துள்ளது.

தமிழகத்தில் வடகிழக்குப் பருவமழை மேலும் தீவிரம் அடையத் தொடங்கியுள்ளது. அதன் காரணமாக வங்கக் கடல் பகுதியில் தென்மேற்கு வங்கக் கடல் பகுதியில் உருவான வளிமண்டல கீழடுக்கு சுழற்சி காரணமாக வட தமிழக கடலோர மாவட்டங்களில் அனேக இடங்களிலும், பிற பகுதிகளில் ஒரு சில இடங்களிலும் மழை பெய்துவருகிறது. அந்த வளிமண்டல கீழடுக்கு சுழற்சி அதே இடத்தில் நீடித்து வந்த நிலையில், நேற்று மதியம் 2.30 மணி அளவில் காற்றழுத்த தாழ்வுப் பகுதியாக மாறியது. இதன் காரணமாக தமிழக கடலோரப் பகுதிகளில் நேற்று மதியம் ஓரிரு இடங்களில் மழை பெய்தது.