உச்சநீதிமன்ற புதிய தலைமை நீதிபதியாக சஞ்சீவ் கண்ணா பதவியேற்பு

ஜனாதிபதி திரவுபதி முர்மு பதவிப் பிரமாணம் செய்துவைத்தார்

உச்ச நீதிமன்றத்தின் புதிய தலைமை நீதிபதியாக சஞ்சீவ் கண்ணா நேற்று பதவியேற்றுக் கொண்டார். அவர் அடுத்த ஆண்டு மே 13ம் தேதி வரையிலும் தலைமை நீதிபதியாக பதவி வகிப்பார்.

உச்ச நீதிமன்ற தலைமை நீதிபதி டி.ஒய். சந்திரசூட் பதவிக்காலம் முடிந்ததைத் தொடர்ந்து, 51 வது தலைமை நீதிபதியாக சஞ்சீவ் கண்ணா நியமிக்கப்பட்டார். அவரது பதவியேற்பு விழா, டெல்லி ராஷ்டிரபதி பவனில் நேற்று நடந்தது. ஜனாதிபதி திரவுபதி முர்மு, புதிய தலைமை நீதிபதி சஞ்சீவ் கண்ணாவுக்கு பதவிப் பிரமாணம் செய்து வைத்தார். அப்போது அவர், கடவுளின் பெயரால் ஆங்கிலத்தில் உறுதிமொழி ஏற்றுக் கொண்டார். விழாவில், துணை ஜனாதிபதி ஜகதீப் தன்கர், பிரதமர் மோடி, பாதுகாப்பு அமைச்சர் ராஜ்நாத் சிங், மற்றும் ஒன்றிய சட்ட அமைச்சர் அர்ஜூன் ராம் மேக்வால், முன்னாள் தலைமை நீதிபதிகள் ஜே.எஸ்.கேகர், டி.ஒய். சந்திரசூட் யோர் பங்கேற்றனர்.