மணிப்பூர் வன்முறைக்கு யார் காரணம்? காங்கிரஸ்-பாஜ மோதல்

மணிப்பூர் வன்முறைக்கு காங்கிரஸ் தான் காரணம் எனக் கூறி காங்கிரஸ் தலைவர் கார்கேவுக்கு, பாஜ தலைவர் ஜேபி நட்டா பரபரப்பு கடிதம் எழுதியுள்ளார்.

அதற்கு காங்கிரஸ் 4 கேள்வி கேட்டு பதிலடி கொடுத்துள்ளது.
காங்கிரஸ் தலைவர் மல்லிகார்ஜுன கார்கே, கடந்த சில தினங்களுக்கு முன் மணிப்பூர் வன்முறை சம்பவம் குறித்து ஜனாதிபதி திரவுபதி முர்முவுக்கு கடிதம் எழுதினார். அந்த கடிதத்தில், ‘கடந்த 18 மாதங்களாக மணிப்பூரில் சட்டம் ஒழுங்கை நிலைநாட்டுவதில் மாநில அரசும், ஒன்றிய அரசும் தோல்வியடைந்துள்ளன. நீங்கள் இந்த விவகாரத்தில் தலையிட வேண்டிய கட்டாயம் ஏற்பட்டுள்ளதாக நான் கருதுகிறேன்’ என்று குறிப்பிட்டு இருந்தார்.