கடலூர் அண்ணா விளையாட்டு மைதானத்தில் ₹15 கோடியில் செயற்கை இழை ஓடுதளம் அமைக்கப்படும்

கடலூர் அண்ணா விளையாட்டு மைதானத்தில் ரூ.15 கோடியில் செயற்கை இழை ஓடுதளம் அமைக்கப்படும் என்று துணை முதல்வர் உதயநிதி ஸ்டாலின் தெரிவித்தார்.

கடலூரில் நேற்று கலைஞர் விளையாட்டு உபகரணங்கள் தொகுப்பு வழங்கும் விழா நடந்தது. இதில் துணை முதல்வர் உதயநிதி ஸ்டாலின் கலந்து கொண்டு, ஊரக வளர்ச்சி மற்றும் ஊராட்சித்துறை சார்பில் ரூ.23.93 கோடி மதிப்பீட்டில் மாவட்ட ஊரக வளர்ச்சித்துறை அலுவலகம், விருத்தாசலம் உதவி இயக்குநர் அலுவலகம் மற்றும் மேல்புவனகிரி, கம்மாபுரம், விருத்தாசலம் ஊராட்சி ஒன்றிய அலுவலகம் ஆகியவற்றிற்கு புதிய கட்டிடங்கள் கட்டுவதற்கு அடிக்கல் நாட்டி, பல்வேறு அரசு துறைகளின் சார்பில் 12,100 பயனாளிகளுக்கு, ரூ.80 கோடி மதிப்பில் அரசு நலத்திட்ட உதவிகளை வழங்கினார்.