காஞ்சிபுரத்தில் ஸ்ரீதாததேசிகன் சாற்றுமுறை உற்சவம் வரதராஜ பெருமாள், தாயாருக்கு ரத்ன அங்கி சேவை

காஞ்சிபுரம் வரதராஜப்பெருமாள் கோயிலில் ஸ்ரீதாததேசிகன் சாற்றுமுறை உற்சவத்தை யொட்டி உற்சவர் வரதராஜப்பெருமாளும், பெருந்தேவித்தாயாரும் ரத்ன அங்கி அணிந்து நேற்று பக்தர்களுக்கு அருள்பாலித்தனர்.

விஜயநகர பேரரசின் ராஜகுருவாகவும், காஞ்சிபுரம் வரதராஜப்பெருமாள் கோயிலின் ஆதிகால தர்மகர்த்தாவாகவும் இருந்தவர் ஸ்ரீதாததேசிகன். இவரது சேவைகளைப் போற்றும் வகையில் ஆண்டுதோறும் அவரது அவதார திருநாளில் வரதராஜப்பெருமாளும், தாயாரும் ரத்ன அங்கி அணிந்து கோயில் வளாகத்தில் உள்ள தாததேசிகன் சந்நிதிக்கு எழுந்தருளி அவருக்கு மரியாதை செய்வது வழக்கமாக இருந்து வருகிறது.