பல ஆண்டுகளாக கிடைக்காத பதவி உயர்வு பொறியாளர்களுக்கு கடந்த 2 ஆண்டுகளில் கிடைத்துள்ளது

பொறியாளர்களுக்கு பல ஆண்டுகளாக கிடைக்காத பதவி உயர்வு கடந்த 2 ஆண்டுகளில் கிடைத்துள்ளது என பொதுப்பணித்துறை அமைச்சர் எ.வ.வேலு கூறியுள்ளார்.

சென்னை சேப்பாக்கம் பொதுப்பணித்துறை தலைமை அலுவலகத்தில், பொதுப்பணி துறை அமைச்சர் எ.வ.வேலு தலைமையில், பொதுப்பணித்துறையின் மின் பொறியாளர்களின் தொழில்நுட்பக் கருத்தரங்கு நடைபெற்றது. கருத்தரங்கில் அமைச்சர் எ.வ.வேலு பேசியதாவது: தமிழ்நாடு பொதுப்பணித்துறையில் உள்ள மின் அலகினை திறம்பட சீரிய முறையில் செவ்வனே செயல்படுவதற்கு, கோயம்புத்தூர் மண்டல இணைத் தலைமைப் பொறியாளர் பணியிடம், முதன்மைத் தலைமைப் பொறியாளர் அலுவலகத்தில் துணைத் தலைமைப் பொறியாளர் நிரந்தரப் பணியிடம், பொதுப்பணித் துறையில் உள்ள மின் பிரிவினை மேம்படுத்துவதற்கு 151 புதிய நிரந்தரப் பணியிடங்கள் உருவாக்கப்பட்டது.