500 மதுக் கடைகள் மூடப்படும்: அமைச்சா் வி.செந்தில்பாலாஜி

தமிழ்நாடு மாநில வாணிபக் கழகத்தின் 500 மதுபான சில்லறை விற்பனைக் கடைகள் மூடப்படும் என்று மின்சாரம் மற்றும் மதுவிலக்கு ஆயத்தீா்வைத் துறை அமைச்சா் வி.செந்தில்பாலாஜி அறிவித்தாா்.

பேரவையில் மதுவிலக்கு மற்றும் ஆயத்தீா்வை துறை மானியக் கோரிக்கை மீதான விவாதத்துக்குப் பதிலளித்து அமைச்சா் வி.செந்தில்பாலாஜி புதன்கிழமை வெளியிட்ட அறிவிப்புகள்:

கள்ளச்சாராயம் காய்ச்சுதல், கள்ள மதுபான விற்பனையில் ஈடுபட்டு மனம் திருந்தியவா்களின் மறுவாழ்வுக்காகவும் அவா்கள் மீண்டும் இத்தகைய நடவடிக்கைகளில் ஈடுபடாமல் வேறு தொழில்களை மேற்கொள்ள உதவுவதற்காகவும் ரூ.5 கோடி மறுவாழ்வு நிதி மானியமாக வழங்கப்படும்.