'முத்ரா’ திட்டத்தால் 8 கோடி தொழில்முனைவோர்

பிரதமர் மோடி பெருமிதம்

புது தில்லி, ஏப். 13: மத்திய அரசின் 'முத்ரா' கடனுதவித் திட்டத்தின் மூலமாக 8 கோடிக்கும் அதிகமான தொழில்முனைவோர் உருவாகியுள்ளதாக பிரதமர் நரேந்திர மோடி பெருமிதம் தெரிவித்தார்.

'முத்ரா' கடன் திட்டத்தை காங் கிரஸ் மூத்த தலைவரும் முன்னாள் மத்திய அமைச்சருமான ப.சிதம்பரம் அண்மையில் விமர்சித்திருந்தார். அந்தத் திட்டத்தின் கீழ் வழங்கப்படும் ரூ.50,000 கடன் தொகையைக் கொண்டு எவ் வாறு தொழில் தொடங்க முடி யும் என அவர் கேள்வி எழுப்பி இருந்தார். அவரை மறைமுகமாக விமர்சிக்கும் வகையில் பிரதமர் மோடி இவ்வாறு கூறியுள்ளார்.

மத்திய அரசின் அமைச்சகங்கள், பல்வேறு துறைகளின் கீழ் பணிக்குத் தேர்வு செய்யப்பட்ட 71,506 பேருக்குப் பணிநி யமன ஆணைகளை வழங்கும் நிகழ்ச்சி வியாழக்கிழமை நடைபெற்றது. அதில் பிரதமர் மோடி காணொலி மூலம் பங்கேற்றுப் பேசியதாவது: மத்திய அரசின் புதிய திட்டங்கள், கொள்கைகள் வாயிலாக நவீன இந்தியா முன்னேறி வருகிறது. தொழில்நுட்பம், அடிப்படைக் கட்டமைப்பு மேம்பாடு ஆகியவற்றுக்கு மத்திய அரசு தொடர்ந்து முக்கியத்துவம் அளித்து வருகிறது. மத்திய அரசின் கொள்கைகள் இளைஞர்க ளுக்குப் புதிய வாய்ப்புகளை ஏற் படுத்தியுள்ளன.