இந்தியாவில் ஜாதி, மத பாகுபாடில்லை - அமெரிக்காவில் மோடி

இந்தியாவில் ஜாதி அல்லது மத அடிப்படையில் பாகுபாடு காட்டப்படுகிறது என்ற பேச்சுக்கே இடமில்லை என்று பிரதமர் மோடி தெரிவித்தார்.

வாஷிங்டன், ஜூன் 22: அமெரிக்காவின் வாஷிங்டனில் அதிபர் பைடனுடன் பேச்சுவார்த்தைக்குப் பின்னர் செய்தியாளர்கள் இருதரப்பு சந்திப்பின்போது அவர் இவ்வாறு குறிப்பிட்டார்.

அமெரிக்காவுக்கு அரசு முறைப் தலைநகர் பயணம் மேற்கொண்டுள்ள பிரதமர் மோடி, அந்நாட்டு வாஷிங்டனில் உள்ள வெள்ளை மாளிகையில் அமெரிக்க அதிபர் ஜோ பைடனுடன் வியாழக்கிழமை இருதரப்பு பேச்சுவார்த்தை நடத்தினார்.

அப்போது பிரதமர் மோடி கூறுகையில், 'இந்தியர்களுக்கும், அமெரிக்கர்களுக்கும் இடையிலான உறவு இருநாட்டு உறவின் உண்மையான சக்தியாகத் திகழ்கிறது.

ஆழ்கடல் முதல் விண்வெளி வரை, தொன்மையான கலாசாரம் முதல் செயற்கை நுண்ணறிவு வரை என அனைத்துத் தளங்களிலும் இந்தியாவும் அமெரிக்காவும் தோளோடு தோளாக நடந்து செல்கின்றன' என்று தெரிவித்தார்.

அமெரிக்க அதிபர் பைடன் கூறுகையில், 'விண்வெளி, கடல் சார்ந்த தொழில்நுட்பம், பசுமைத் தொழில் நுட்பம் உள்ளிட்ட துறைகளில் இந்தியாவும் அமெரிக்காவும் பரஸ்பரம் ஒத்துழைப்பு வழங்கி வருகின்றன.

தற்போது இருநாடுகளுக்கு இடையிலான கூட்டுறவு முன்பைவிட வலுவாக உள்ளது. இந்த உறவை எவ்வாறு மேன்மேலும் வலுப்படுத்துவது என்பது குறித்து விவாதிக்க ஆவாலாக உள்ளேன்' என்று தெரிவித்தார்.

செய்தியாளர்கள் சந்திப்பு: பேச்சுவார்த்தையைத் தொடர்ந்து, இருவரும் கூட்டாக செய்தியாளர்களைச் சந்தித்தனர். அப்போது பைடன் கூறியதாவது:

உலகில் மிகுந்த முக்கியத்துவம் வாய்ந்த கூட்டுறவாக இந்தியா-அமெரிக்கா இடையிலான கூட்டுறவு உள்ளது. இந்த உறவு வரலாற்றில் முன்னெப்போதையும் விட வலுவாகவும், நெருக்கமாகவும், அதிக ஆற்றல் கொண்டதாகவும் உள்ளது.

இந்தியா-அமெரிக்கா இடையே பாதுகாப்பு உறவை வளர்ப்பது, பாதுகாப்புத் தொழில்துறை, செமி கண்டக்டர் விநியோக முறை ஆகியவற்றில் இரு நாடுகளுக்கு இடையிலான ஒத்துழைப்பு இரட்டிப்பாக்கப்படும்.