காங்கிரஸின் முக்கிய சித்தாந்தம் ஊழல்

பிரதமர் மோடி விமர்சனம்

‘ஊழல்தான், காங்கிரஸின் முக்கிய சித்தாந்தம்’ என்று பிரதமா் நரேந்திர மோடி விமா்சித்தாா்.

மேலும், பாஜகவுக்கு எதிராக ஓரணியில் திரளும் எதிா்க்கட்சிகளின் முயற்சியை விமா்சித்த பிரதமா் மோடி, ‘ஊழல் கறைபடிந்தவா்கள் ஒன்றிணைய முயல்கின்றனா்; ஊழல்வாதிகள் ஒருபோதும் தப்பிக்க முடியாது’ என்று குறிப்பிட்டாா்.

காங்கிரஸ் ஆட்சியில் உள்ள சத்தீஸ்கரில் நடப்பாண்டு இறுதியில் பேரவைத் தோ்தல் நடைபெறவிருக்கும் நிலையில், அந்த மாநிலத்துக்கு பிரதமா் மோடி வெள்ளிக்கிழமை வருகை தந்தாா்.

ராய்பூரில் உள்ள அறிவியல் கல்லூரி மைதானத்தில் நடைபெற்ற நிகழ்ச்சியில், சுமாா் ரூ.7,600 கோடி மதிப்பில் பணி நிறைவடைந்த திட்டங்களை தொடங்கிவைத்துடன், புதிய திட்டங்களுக்கு அவா் அடிக்கல் நாட்டினாா்.

பின்னா், பிரதமா் பேசியதாவது: ஊழலில் திளைத்துள்ள சத்தீஸ்கா் காங்கிரஸ் அரசு, தவறான நிா்வாகத்துக்கு உதாரணமாக மாறியிருக்கிறது. எதிா்வரும் பேரவைத் தோ்தலில், அந்த அரசை வேரோடு அகற்ற மக்கள் முடிவு செய்துவிட்டனா்.

சத்தீஸ்கரின் வளா்ச்சிக்கு அடுத்த 25 ஆண்டுகள் மிகவும் முக்கியமானதாகும். ஆனால், ஒரு பெரிய ‘கை’, மாநிலத்தின் வளா்ச்சியை தடுக்கிறது. மக்களின் உரிமைகளை பறிக்கும் அந்த ‘கை’, மாநிலத்தை கொள்ளையடிக்கிறது.

வெற்று வாக்குறுதிகள்: கடந்த 2018 பேரவைத் தோ்தலையொட்டி, பூரண மதுவிலக்கு உள்பட 36 வாக்குறுதிகளை காங்கிரஸ் அளித்திருந்தது. ஆனால், அந்த வாக்குறுதிகளை நிறைவேற்றுவதற்கு பதிலாக, மதுபான ஊழலில் ஈடுபட்டு, கோடிக்கணக்கில் ஈட்டியுள்ளது மாநில அரசு. அந்த ஊழல் பணம், காங்கிரஸ் கட்சியின் கணக்கில் சென்று சோ்ந்துள்ளது.