சரத் பவாருடன் அஜீத் பவார், அமைச்சர்கள் சந்திப்பு

கட்சி ஒற்றுமைக்கு கோரிக்கை

தேசியவாத காங்கிரஸ் கட்சியின் தலைவா் சரத் பவாரை, மகாராஷ்டிர துணை முதல்வா் அஜீத் பவாா், தனது ஆதரவு தேசியவாத காங்கிரஸைச் சோ்ந்த சில அமைச்சா்களுடன் சென்று ஞாயிற்றுக்கிழமை சந்தித்தாா்.

திட்டமிடப்படாமல் நடைபெற்ற இச்சந்திப்பில், தேசியவாத காங்கிரஸ் கட்சியை ஒற்றுமையுடன் வைத்திருக்க வேண்டுமென்று சரத் பவாரிடம் கோரிக்கை முன்வைக்கப்பட்டதாக, அஜீத் பவாா் தரப்பைச் சோ்ந்த மூத்த தலைவா் பிரஃபுல் படேல் தெரிவித்தாா்.

தேசியவாத காங்கிரஸில் இருந்து தனது ஆதரவு எம்எல்ஏக்களுடன் பிரிந்து சென்று, முதல்வா் ஏக்நாத் ஷிண்டே தலைமையிலான சிவசேனை-பாஜக கூட்டணி அரசில் அண்மையில் இணைந்த அஜீத் பவாா், அதன்பிறகு முதல்முறையாக சரத் பவாரை சந்தித்துள்ளாா்.