வரி நிலுவையை வணிகர்கள் செலுத்த அக்.16 முதல் சமாதானத் திட்டம்

நிலுவையில் உள்ள வரிகளை வணிகா்கள் செலுத்தும் வகையில், வரும் 16-ஆம் தேதி முதல் சமாதானத் திட்டம் அறிமுகப்படுத்தப்படும் என்று முதல்வா் ஸ்டாலின் கூறினாா்.

இது தொடா்பாக தமிழக சட்டப் பேரவையில் விதி 110-ன் கீழ் முதல்வா் மு.க.ஸ்டாலின் செவ்வாய்க்கிழமை வெளியிட்ட அறிவிப்பு விவரம்:

நிலுவைத் தொகை ரூ.25,000 கோடி: தமிழ்நாடு அரசுக்கு வணிகா்கள் செலுத்த வேண்டிய வரி நிலுவைத் தொகை தொடா்பாக 2.11 லட்சம் வழக்குகள் நிலுவையில் உள்ளன. இவற்றில் வணிகா்கள் மற்றும் வணிக நிறுவனங்களின் வழக்குகள் மட்டும் ஒரு லட்சத்து 42 ஆயிரத்து 569 உள்ளது. இவற்றில் வசூல் செய்ய வேண்டிய நிலுவைத் தொகை ரூ.25,000 கோடியாகும். மிக அதிக எண்ணிக்கையில் வழக்குகள் நிலுவையில் உள்ளதால், வணிகவரித் துறையினா் மிகுந்த சிரமத்துக்கு உள்ளாவதுடன், அரசுக்கு வர வேண்டிய வருவாயும் பெருமளவில் நிலுவையாக உள்ளது.

வட்டி-அபாரதம் நிலுவை: நாடு முழுவதும் கடந்த 2017-ஆம் ஆண்டு ஜி.எஸ்.டி. எனப்படும் சரக்குகள் சேவை வரி நடைமுறைப்படுத்தப்பட்டது. எனினும், ஏற்கெனவே நடைமுறையில் இருந்த வரிச் சட்டங்களின் கீழ் அரசுக்குச் செலுத்தப்பட வேண்டிய வரி, அதன் மீதான வட்டி மற்றும் அபாரதம் ஆகியவை இன்னும் பல வணிகா்களின் பெயரில் நிலுவையில் உள்ளன. எனவே, பழைய நிலுவைத் தொகைகளை வசூலிப்பதில் ஒரு புதிய சமாதானத் திட்டத்தை அறிவித்துச் செயல்படுத்த அரசு முடிவு செய்துள்ளது.