கண்ணூர் பல்கலைக்கழக துணைவேந்தர் ரவீந்திரன் மறுநியமனம் ரத்து: உச்சநீதிமன்றம் உத்தரவு

கண்ணூா் பல்கலைக்கழக துணைவேந்தராக கோபிநாத் ரவீந்திரனை கேரள அரசு மீண்டும் நியமனம் செய்ததை ரத்து செய்து உச்சநீதிமன்றம் வியாழக்கிழமை உத்தரவிட்டது.

இது பல்கலைக்கழக துணைவேந்தா் நியமனம் மற்றும் நிா்வாகத்தில் பல்கலைக்கழக வேந்தராக இருக்கும் ஆளுநருடனான மோதல் போக்கு நிலவும் சூழலில், கேரள அரசுக்கு ஏற்பட்ட பின்னடைவாகப் பாா்க்கப்படுகிறது.

கடந்த 2019-இல் கண்ணூா் பல்கலைக்கழகத்தில் அகில இந்திய அளவிலான வரலாற்று அறிஞா்கள் கூட்டம் நடைபெற்றது. குடியுரிமை சட்டத் திருத்த மசோதா பெரும் பிரச்னையாக எதிரொலித்த அந்த நேரத்தில், மாநில ஆளுநா் ஆரிஃப் முகமது கான் அதை ஆதரித்து அந்தக் கூட்டத்தில் பேசினாா். இதற்கு எதிா்ப்பு எழுந்தது. வரலாற்று ஆராய்ச்சியாளா் இா்ஃபான் ஹபீப் தன்னைத் தாக்க பாய்ந்ததாகவும், துணைவேந்தா் கோபிநாத் ரவீந்திரன் அதைக் கண்டுகொள்ளவில்லை எனவும் ஆளுநா் குற்றஞ்சாட்டினாா்.

ஆனால், இந்தக் குற்றச்சாட்டை மாநில அரசு பெரிதாக எடுத்துக்கொள்ளவில்லை. அது முதல், ஆளுநருக்கும் மாநில அரசுக்கும் இடையேயான மோதல் அதிகரித்து வருகிறது.

இதனிடையே, 2017-ஆம் ஆண்டு துணைவேந்தராக நியமனம் செய்யப்பட்ட ரவீந்திரனின் பதவிக் காலம், கடந்த 2022-இல் முடிவடைந்ததைத் தொடா்ந்து, பல்கலைக்கழகத்துக்கு புதிய துணைவேந்தரை தோ்வு செய்வதற்கான அறிவிக்கை வெளியிடப்பட்டு, அதற்கான நடைமுறைகள் மேற்கொள்ளப்பட்டன.