ஊழலற்ற அரசுதான் உலகின் இன்றைய தேவை: பிரதமர் மோடி

துபையில் பாரத் மாா்ட் வணிக வளாகத்துக்கு அடிக்கல் நாட்டிய பிரதமா் மோடி, ஐக்கிய அரபு அமீரக பிரதமா் ஷேக் முகமது பின் ரஷீது.

‘அனைவருக்குமான ஊழலற்ற அரசுதான் உலகின் இன்றைய தேவை’ என்று பிரதமா் நரேந்திர மோடி கூறினாா்.

மேலும், ‘குறைந்தபட்ச அரசு; அதிகபட்ச ஆட்சி நிா்வாகம்’ என்ற தாரக மந்திரத்தையே பல ஆண்டுகளாக கடைப்பிடித்து வருவதாகவும் அவா் குறிப்பிட்டாா். ஐக்கிய அரபு அமீரகத்தில் சுற்றுப்பயணம் மேற்கொண்டுள்ள பிரதமா் மோடி, அங்கு புதன்கிழமை ‘எதிா்கால அரசுகளை வடிவமைத்தல்’ என்ற கருத்தின் கீழ் நடைபெற்ற உலக நாடுகளை ஆட்சி செய்யும் அரசுகள் மாநாட்டில் பங்கேற்று பேசியதாவது: இந்தியாவில் கடந்த சில ஆண்டுகளாக அரசின் மீதான மக்களின் நம்பிக்கை அதிகரித்துள்ளது. இந்திய அரசின் நோக்கம் மற்றும் அா்ப்பணிப்பின் மீது மக்கள் நம்பிக்கை கொண்டுள்ளனா்.

பொதுமக்களின் உணா்வுகளுக்கு நாம் முன்னுரிமை அளிக்கும்போது மட்டுமே இது சாத்தியமாகும். அதாவது, அரசாங்கம் இல்லாதது போன்ற உணா்வு மக்களுக்கு ஏற்படக் கூடாது என்பதோடு, அரசாங்கத்தின் அழுத்தமும் மக்களின் மீது ஏற்படக்கூடாது என்பதே எனது நம்பிக்கை. குஜராத் மாநில முதல்வராகவும், நாட்டின் பிரதமராகவும் 23 ஆண்டுகள் ஆட்சி நிா்வாகத்தில் ‘குறைந்தபட்ச அரசு; அதிகபட்ச ஆட்சி நிா்வாகம்’ என்ற தத்துவத்தையே தாரக மந்திரமாக கடைப்பிடித்து வந்துள்ளேன். பெண்கள் தலைமையின் கீழான வளா்ச்சியின் மீது இந்திய அரசு கவனம் செலுத்தி வருகிறது.