தில்லி முதல்வர் கேஜரிவால் கைது

தில்லி முதல்வா் அரவிந்த் கேஜரிவாலை மதுபான கொள்கை முறைகேடு வழக்கில் அமலாக்கத் துறை இயக்குநரகம் கைது செய்துள்ளது.

அமலாக்கத் துறை நடவடிக்கை

9 முறை அழைப்பாணை: இந்த வழக்கில் விசாரணைக்கு ஆஜராகும்படி தில்லி முதல்வா் கேஜரிவாலுக்கு இதுவரை ஒன்பது முறை அழைப்பாணைகளை அமலாக்கத் துறை அனுப்பியது; அது சட்டவிரோதம் என்று கூறி அவா் ஆஜராகாமல் இருந்து வந்தாா். தொடா்ந்து முதல்வா் கேஜரிவால் வியாழக்கிழமை (மாா்ச் 21) கைது செய்யப்பட்டுள்ளாா்.

இந்த வழக்கில் ஏற்கெனவே துணை முதல்வராக இருந்த மனீஷ் சிசோடியா உள்ளிட்ட ஆம் ஆத்மி கட்சியின் மூத்த தலைவா்கள் மற்றும் சில அதிகாரிகள் மீது அமலாக்க இயக்குநரகம் குற்றம்சாட்டியுள்ளது.

கைதைத் தடுக்க முடியவில்லை: முன்னதாக, இந்த வழக்கில் தனக்கு எதிராக அமலாக்க த்துறையினா் எந்தவொரு நடவடிக்கையையும் மேற்கொள்ளாமல் இருக்க உத்ததரவிடக் கோரி தில்லி உயா் நீதிமன்றத்தில் முதல்வா் கேஜரிவால் சாா்பில் மனு தாக்கல் செய்யப்பட்டிருந்தது. அதில் அவருக்குச் சாதகமாக எந்த உத்தரவையும் நீதிமன்றம் வியாழக்கிழமை (மாா்ச் 21) பிறப்பிக்கவில்லை.