ஹெலிகாப்டர் விபத்து: ஈரான் அதிபர், வெளியுறவு அமைச்சர் உயிரிழப்பு

ஈரானின் 8-ஆவது அதிபரான இப்ராஹிம் ரய்சி (63), அந்நாட்டு வெளியுறவுத் துறை அமைச்சா் ஹுசைன் ஆமிா் அப்துல்லாஹியன் (60) உள்ளிட்டோா் ஹெலிகாப்டா் விபத்தில் உயிரிழந்தனா்.

 

ஈரான்-அஜா்பைஜான் எல்லையில் உள்ள அராஸ் நதியில் இரு நாடுகளும் இணைந்து கட்டிய 3-ஆவது அணையின் திறப்பு விழா ஞாயிற்றுக்கிழமை நடைபெற்றது. இந்த நிகழ்ச்சியில் அஜா்பைஜான் அதிபா் இல்ஹாம் அலியெவ்-உடன் ஈரான் அதிபா் இப்ராஹிம் ரய்சி பங்கேற்றாா். அதன் பின்னா், ஈரானின் வடமேற்கில் உள்ள தப்ரீஸ் நகருக்கு அதிபா் ரய்சி ஹெலிகாப்டரில் திரும்பிக் கொண்டிருந்தாா். அவருடன் ஈரான் வெளியுறவுத் துறை அமைச்சா் ஹுசைன் ஆமிா் அப்துல்லாஹியன், அந்நாட்டில் உள்ள கிழக்கு அஜா்பைஜான் மாகாண ஆளுநா் மாலிக் ரஹமதி உள்ளிட்டோா் பயணித்தனா். அப்போது அந்த ஹெலிகாப்டா் மூடுபனி சூழ்ந்த மலைப்பாங்கான பகுதியில் விபத்துக்குள்ளானதாக தகவல் வெளியானது. இதையடுத்து அந்த ஹெலிகாப்டரை தேடும் பணியில் அந்நாட்டு மீட்புக் குழுக்கள் தீவிரமாக ஈடுபட்டன.