6-ஆம் கட்டத் தேர்தல்: 61% வாக்குப் பதிவு

மக்களவை 6-ஆம் கட்டத் தேர்தலையொட்டி, தேசியத் தலைநகர் தில்லி, ஹரியாணா உள்ளிட்ட 6 மாநிலங்கள் மற்றும் 2 யூனியன் பிரதேசங்களில் உள்ள 58 தொகுதிகளில் சனிக்கிழமை (மே25) வாக்குப் பதிவு நடைபெற்றது.

இத்தேர்தலில் சுமார் 61 சதவீத வாக்குகள் பதிவானதாக தேர்தல் ஆணையம் தெரிவித்துள்ளது.

மேற்கு வங்கத்தில் சில இடங்களில் வன்முறைச் சம்பவங்கள் நிகழ்ந்தன. மற்ற மாநிலங்களில் பர வலாக அமைதியான முறையில் தேர்தல் நடைபெற்றது.

வடமாநிலங்களில் வெயில் வாட்டி வதைப்பதால், வாக்குச்சா வடிகளில் குளிர்ந்த நீர், குளிர்சாதன வசதி, மின்விசிறி, நிழல் கூடாரம் போன்ற வசதிகள் ஏற்படுத்தப்பட்டிருந்தன.

தற்போதைய மக்களவைத் தேர் தலில் 6-ஆம் கட்டமாக உத்தரபிர தேசத்தில் 14, ஹரியாணாவில் 10, பிகார், மேற்கு வங்கத்தில் தலா 8, தில்லியில் 7, ஒடிஸாவில் 6, ஜார்க் கண்டில் 4, ஜம்மு-காஷ்மீரில் 1 என 58 தொகுதிகளில் சனிக்கிழமை வாக்குப் பதிவு நடைபெற்றது.

தில்லியில் மொத்தமுள்ள 7 தொகுதிகளுக்கும், ஹரியாணாவில் மொத்தமுள்ள 10 தொகுதிகளுக்கும் ஒரே கட்டமாக வாக்குப் பதிவு நடைபெற்றது.

இத்தேர்தலில் 11.13 கோடிக்கும் மேற்பட்ட வாக்காளர்கள் (5.84 கோடி ஆண்கள், 5.29 கோடி பெண்கள், 5,120 மூன்றாம் பாலினத்தவர்) வாக்களிக்கத் தகுதி பெற்றிருந்தனர். இவர்களுக்காக 1.14 லட்சம் வாக்குச்சாவடிகள் அமைக்கப்பட்டிருந்தன. 11 லட்சத்துக்கும் மேற்பட்ட ஊழியர்கள் தேர்தல் பணியில் ஈடுபட்டனர்.

முக்கியப் பிரமுகர்கள் வாக்களிப்பு: தில்லியில் குடியரசுத் தலைவர் திரௌபதி முர்மு, குடியரசு துணைத் தலைவர் ஜகதீப் தன்கர், மத்திய அமைச்சர்கள் எஸ்.ஜெய் சங்கர், ஹர்தீப் சிங்புரி, முதல்வர் அரவிந்த் கேஜரிவால், காங்கிரஸ் மூத்த தலைவர் சோனியா காந்தி, ராகுல் காந்தி எம்.பி., தலைமைத் தேர்தல் ஆணையர் ராஜீவ் குமார், தேர்தல் ஆணையர்கள் ஞானேஷ் குமார், சுக்பீர் சிங் சாந்து உள்ளிட் டோர் வாக்களித்தனர்.

ஹரியாணாவில் பிரபல மல்யுத்த வீரர் யோகேஸ்வர்தத், வீராங்கனைகள் பபிதா போகட், ரித்திகா ஹூடா உள்ளிட்டோர் ஜனநாயக கடமையை நிறைவேற்றினர்.