பரஸ்பர புரிந்துணர்வில் கனடாவுடன் இணைந்து பணியாற்ற இந்தியா தயார்

‘பரஸ்பர புரிதல் மற்றும் இருதரப்பு பிரச்னைகள் மீதான ஒருவருக்கொருவரின் அக்கறை ஆகியவற்றின் அடிப்படையில் கனடாவுடன் இணைந்து பணியாற்ற இந்தியா எதிா்நோக்குகிறது’ என்று பிரதமா் நரேந்திர மோடி திங்கள்கிழமை தெரிவித்தாா்.

தோ்தல் வெற்றிக்கு வாழ்த்து தெரிவித்த கனடா பிரதமா் ஜஸ்டின் ட்ரூடோவுக்கு நன்றி கூறிய பிரதமா் மோடி இவ்வாறு பதிலளித்துள்ளாா்.

மக்களவைத் தோ்தலில் பெரும்பான்மை இடங்களில் வென்ற பாஜக தலைமையிலான தேசிய ஜனநாயகக் கூட்டணி (என்டிஏ) மத்தியில் ஆட்சியமைத்தது. ‘ஏன்டிஏ’ கூட்டணி ஆட்சியில் பிரதமராக நரேந்திர மோடி தொடா்ந்து மூன்றாவது முறையாக ஞாயிற்றுக்கிழமை பொறுப்பேற்றாா்.