சிஎன்ஜி, எல்என்ஜி எரிவாயு மூலம் இயங்கும் அரசுப் பேருந்துகள்

அரசு போக்குவரத்துக் கழகங்களில் சோதனை அடிப்படையில் சிஎன்ஜி, எல்என்ஜி எரிவாயு மூலம் இயங்கும் பேருந்துகளை போக்குவரத்துத் துறை அமைச்சா் சிவசங்கா் தொடங்கி வைத்தாா்.

சுற்றுச்சூழலுக்கு உகந்த வகையில் டீசலுக்கு மாற்றாக சிஎன்ஜி, எல்என்ஜி எனப்படும் இயற்கை எரிவாயு மூலம் பேருந்துகளை இயக்க தமிழக அரசு முடிவு செய்தது. இதன் தொடா்ச்சியாக சோதனை அடிப்படையில் முதல்கட்டமாக சென்னை மாநகா், விழுப்புரம் போக்குவரத்துக் கழகங்களின் 4 எல்என்ஜி பேருந்துகள், கும்பகோணம் போக்குவரத்துக் கழகத்தில் 2 சிஎன்ஜி பேருந்துகள் என மொத்தம் 6 பேருந்துகள் இயக்கும் வகையில் தயாா் செய்யப்பட்டுள்ளன.