கல்லூரி மாணவர்களுக்கு ரூ.1,000: ஆகஸ்டில் ‘தமிழ்ப் புதல்வன்' திட்டம்- முதல்வர் மு.க.ஸ்டாலின் அறிவிப்பு

'தமிழ்ப் புதல்வன்' திட்டம் வரும் ஆகஸ்ட் முதல் தொடங்கப்படும் என முதல்வர் மு.க. ஸ்டாலின் அறிவித்தார்.

இந்தத் திட்டம் மூலம் அரசுப் பள்ளிகளில் 6 முதல் பிளஸ் 2 வகுப்பு வரை படித்து கல்லூரிகளில் சேர்க்கை பெற்றுள்ள மாணவர்களின் வங்கிக் கணக்கு களில் மாதம் ரூ.1,000 வரவு வைக்கப்படவுள்ளது.

பள்ளிக் கல்வித்துறை சார்பில் சென்னையில் உள்ள நேரு உள் விளையாட்டரங்கில் வெள்ளிக்கிழமை நடைபெற்ற ஐம்பெரும் விழாவில், மாநில அளவில் அரசுப் பொதுத் தேர்வுகளில் சிறப்பிடம் பிடித்த மாணவ, மாணவிகளுக்கு பரிசு, பாராட்டுச் சான்றிதழ் வழங்கி முதல்வர் ஸ்டாலின் பேசியதாவது:

தமிழக பள்ளிக் கல்வியில் 16 லட்சம் மாணவர்கள் பயன்பெறும் 'காலை உண வுத் திட்டம், 27 லட்சம் மாணவர்கள் பயன்பெறும் 'இல்லம் தேடிக் கல்வி', 28 லட்சம் மாணவர்களுக்கு திறன்பயிற்சி வழங்கி வரும் 'நான் முதல்வன்' திட்டம் என ஏராளமான திட்டங்கள் செயல்படுத்தப்பட்டு வருகின்றன.

குறிப்பாக, மாணவிகளுக்கு மாதந் தோறும் ரூ.1,000 வழங்கும் 'புதுமைப் பெண்’ திட்டத்துக்கு மாணவிகள் பலரும் பாராட்டு தெரிவித்துள்ளனர். அந்த மகிழ்ச்சி மாணவர்கள் முகத்திலும் ஏற்பட வேண்டும் என்பதற்காக மாதம் ரூ.1,000 வழங்கும் தமிழ்ப் புதல்வன்' திட்டம் செயல்படுத்தப்படும் எனக் கூறியிருந்தேன். மாணவர்கள் கல்லூரி சென்றவுடன் வரும் ஆகஸ்ட் முதல் மாதந்தோறும் ரூ.1,000 வழங்கப்படும்.