மாநிலங்களின் வரிவிதிப்பு முறையை மாற்றியமைப்பதா?

மாநிலங்களால்விதிக்கப்படும் முத்திரைத்தாள் கட்டணத்தைக் குறைப்போம் என்று மத்திய பட்ஜெட்டில் கூறப்பட்டுள்ளது.

மாநிலங்களின் வரி விதிப்பு முறையை மாற்றியமைக்க மத்திய அரசுக்கு அதிகாரம் அளித்தது யார்? என முதல்வர் மு.க.ஸ்டாலின் கண்டனம் தெரிவித்துள்ளார்.

பிரதமா் மோடி தலைமையில் சனிக்கிழமை நடைபெற்ற நீதி ஆயோக் கூட்டத்தைப் புறக்கணித்த முதல்வா் மு.க.ஸ்டாலின், அந்தக் கூட்டம் தொடங்குவதற்கு முன்பு வெளியிட்ட காணொலியில் பேசியதாவது:

அரசியல் நோக்குடன் மத்திய அரசு: வாக்களிக்காதவா்களுக்கும் சோ்த்தே பாடுபட வேண்டும் என்று தமிழ்நாடு அரசு பணியாற்றிக் கொண்டிருக்கிறது. நரேந்திர மோடி தலைமையிலான பாஜக அரசு வருவதற்கு முன்பு இருந்த அனைத்து மத்திய அரசுகளும்கூட அப்படித்தான் இருந்தன. ஆனால், இந்தப் பெருந்தன்மை இப்போதுள்ள பாஜக அரசிடம் இல்லை. அவா்கள் மட்டும்தான் அரசியல் நோக்கத்துடன் அரசை நடத்துகிறாா்கள்.