தமிழகத்தில் மருத்துவக் கலந்தாய்வு ஆக.21- இல் தொடக்கம்

எம்பிபிஎஸ், பிடிஎஸ் உள்ளிட்ட இளநிலை மருத்துவப் படிப்புகளுக்கான கலந்தாய்வு தமிழகத்தில் ஆக. 21-ஆம் தேதி தொடங்கவுள்ளது. முன்னதாக, தரவரிசைப் பட்டியல் வரும் 19-ஆம் தேதி வெளியிடப்படும் என்று தெரிவிக்கப்பட்டுள்ளது.

9,050 எம்பிபிஎஸ் இடங்கள்: தமிழகத்தில் எம்பிபிஎஸ் இடங்களைப் பொருத்தவரை 36 அரசு மருத்துவக் கல்லூரிகளில் 5,050, சென்னை கே.கே.நகர் இஎஸ்ஐ மருத்துவக் கல்லூரியில் 150 இடங்கள், 21 தனியார் மருத்துவக் கல்லூரிகளில் 3,400 இடங்கள், 3 மாநில பல்கலைக்கழகங்களில் தனியார் 450 இடங்கள் என மொத்தம் 9,050 எம்பிபிஎஸ் இடங்கள் உள்ளன.

அதேபோன்று, 3 அரசு பல் மருத்துவக் கல்லூரிகளில் 250 பிடிஎஸ் இடங்கள், 20 தனியார் பல் மருத்துவக் கல்லூரிகளில் 1,950 பிடிஎஸ் இடங்கள் என மொத்தம் 2,200 பிடிஎஸ் இடங்கள் இருக்கின்றன.