தேசிய மாநாட்டுக் கட்சியுடன் காங்கிரஸ் உடன்பாடு

ஜம்மு-காஷ்மீர் சட்டப் பேரவைத் தேர்தலையொட்டி, தேசிய மாநாட்டுக் கட்சிக்கும், காங்கிரஸ் கட்சிக்கும் இடையே திங்கள்கிழமை தொகுதி உடன்பாடு எட்டப்பட்டது.

மொத்தமுள்ள 90 தொகுதிகளில் தேசிய மாநாட்டுக் கட்சி 51 இடங்களிலும், காங்கிரஸ் 32 இடங்களிலும் போட்டியிடவுள்ளன. கூட்டணியில் உள்ள பிற கட்சிகளான மார்க்சிஸ்ட் கம்யூனிஸ்ட், தேசிய பாந்தாஸ் கட்சி ஆகியவற்றுக்கு தலா ஓரிடம் ஒதுக்கப்பட்டுள்ளது.

உடன்பாடு எட்டப்படாத 5 தொகுதிகளில் தேசிய மாநாட்டுக் கட்சி, காங்கிரஸ் ஆகிய இரு கட்சிகளுமே களமிறங்க முடிவு செய்துள்ளன.

ஜம்மு-காஷ்மீர் யூனியன் பிரதேசத்தில் செப்டம்பர் 18-ஆம் தேதி தொடங்கி 3 கட்டங்களாக தேர்தல் நடைபெறவுள்ளது. செப்டம்பர் 25, அக்டோபர் 1 ஆகிய தேதிகளில் 2-ஆவது, 3-ஆவது கட்ட வாக்குப்பதிவுகள் நடைபெறவுள்ளன. அக்டோபர் 4-ஆம் தேதி பதிவான வாக்குகள் எண்ணப்பட்டு முடிவு அறிவிக்கப்பட உள்ளது.

10 ஆண்டுகளுக்கு பிறகு தேர்தல்: ஜம்மு-காஷ்மீரில் கடந்த 2014-ஆம் ஆண்டில் கடைசியாக பேரவைத் தேர்தல் நடைபெற்றது. அந்தத் தேர்தலுக்குப் பிந்தைய கூட்டணியை பாஜகவும், மக்கள் ஜனநாயக கட்சியும் (பிடிபி) முதல் முறையாக இணைந்து ஆட்சி அமைத்தன. முதல்வராக இருந்த பிடிபி தலைவர் முஃப்தி முகமது சையத் 2016-இல் காலமானதையடுத்து, அவரது மகள் மெஹபூபா முஃப்தி முதல்வரானார். 2018-இல் ஆதரவை பாஜக திரும்பப் பெற்றால், ஆட்சிக் கவிழ்ந்து ஆளுநர் கட்டுப்பாட்டில் ஜம்மு-காஷ்மீர் நிர்வாகம் வந்தது.