ஜோ பைடனுடன் பிரதமர் மோடி பேச்சு

அமெரிக்க அதிபர் ஜோ பைடனுடன் பிரதமர் மோடி தொலைபேசி வாயிலாக திங்கள்கிழமை உரையாடினார்.

அப்போது, அண்மையில் மேற்கொண்ட உக்ரைன் பயணம், வங்கதேச நிலவரம் குறித்தும், இருதரப்பு, சர்வதேச உறவுகள் குறித்தும் இருவரும் ஆலோசனை மேற்கொண்டனர்.

ரஷியா-உக்ரைன் இடையில் போர் தொடர்ந்து வரும் சூழலில் பிரதமராக மூன்றாவது முறையாக பதவியேற்றபின் பிரதமர் மோடி ரஷியாவுக்கு கடந்த மாதம் பயணம் மேற்கொண்டார். அப்போது ரஷிய அதிபர் புதினைச் சந்தித்த அவர், ‘போர் எதற்கும் தீர்வல்ல’ என்ற கருத்தை வலியுறுத்தினார்.