அரசமைப்புச் சட்ட நிபுணர் ஏ.ஜி.நூரானி (94) காலமானார்

எழுத்தாளரும், அரசமைப்புச் சட்ட நிபுணரும், உச்சநீதிமன்ற முன்னாள் வழக்குரைஞருமான ஏ.ஜி. நூரானி (94) மும்பையில் உள்ள அவருடைய இல்லத்தில் வியாழக்கிழமை காலமானார்.

1930, செப்டம்பர் 16-ஆம் தேதி மும்பையில் பிறந்த அப்துல் கஃபூர் மஜீத் நூரானி, மும்பை அரசு சட்டக்கல்லூரியில் சட்டப் படிப்பை நிறைவு செய்தார். அதன்பிறகு, மும்பை உயர்நீதிமன்றம் மற்றும் உச்சநீதிமன்றத்தில் வழக்குரைஞராக பணியாற்றி வந்தார்.

'காஷ்மீர் விவகாரம் 1947-2012', 'சட்டப்பிரிவு 370: ஜம்மு-காஷ்மீரின் அரசமைப்பு வரலாறு', 'ஹைதராபாத் அழிவு' உள்ளிட்ட புத்தகங்களை அவர் எழுதியுள்ளார். மேலும் பல்வேறு தேசிய மற்றும் பிராந்திய நாளிதழ்களில் பல கட்டுரைகளை எழுதியுள்ளார்.