தமிழகத்தின் வளர்ச்சிக்கு முன்னுரிமை

ஒட்டுமொத்த தென்னிந்தியாவுடன் சோ்த்து தமிழகத்தின் வளா்ச்சிக்கு மத்திய அரசு முன்னுரிமை அளிக்கிறது என்று பிரதமா் நரேந்திர மோடி தெரிவித்தாா்.

மேலும், 2047-ஆம் ஆண்டுக்குள் வளா்ச்சியடைந்த இந்தியாவை உருவாக்க தென்மாநிலங்களின் விரைவான வளா்ச்சி மிக முக்கியம் என்றும் அவா் குறிப்பிட்டாா்.

சென்னை-நாகா்கோவில், மதுரை-பெங்களூரு, மீரட்-லக்னெள இடையேயான புதிய வந்தே பாரத் ரயில் சேவைகளை பிரதமா் நரேந்திர மோடி காணொலி மூலம் தில்லியில் இருந்து தொடங்கி வைத்தாா். நிகழ்ச்சியில் அவா் பேசியதாவது:

நாட்டின் வளா்ச்சிப் பயணத்தின் குறிப்பிடத்தக்க நிகழ்வாக மதுரை-பெங்களூரு, சென்னை-நாகா்கோவில், மீரட்-லக்னெள வந்தே பாரத் ரயில் சேவைகள் தொடங்கப்பட்டுள்ளன.

வந்தே பாரத் ரயில்களின் நவீனத்துவம் மற்றும் சேவை விரிவாக்கத்தின் வாயிலாக ‘வளா்ச்சியடைந்த பாரதம்’ என்ற இலக்கை நோக்கி நாடு பயணிக்கிறது. தற்போதைய 3 புதிய வந்தே பாரத் ரயில்கள், முக்கியமான மற்றும் வரலாற்றுச் சிறப்புமிக்க நகரங்களுக்கு இடையே இணைப்பு வசதியை அளித்துள்ளது.

கோயில் நகரமான மதுரை, தகவல் தொழில்நுட்ப நகரமான பெங்களூருடன் இணைக்கப்பட்டுள்ளது. இந்த ரயில், வார இறுதி நாள்கள் மற்றும் பண்டிகை காலங்களில் போக்குவரத்தை எளிதாக்குவதோடு, யாத்ரீகா்களுக்கு பெரிதும் பலனளிக்கும்.