குற்றவாளிகளுக்கு மரண தண்டனையை நீதிமன்றங்கள் மட்டுமே வழங்க முடியும் - உச்சநீதிமன்ற நீதிபதி அபய் எஸ்.ஓகா

குற்றவாளிகளுக்கு மரண தண்டனை வழங்குவதாக அரசியல்வாதிகள் மக்களிடம் உறுதியளிக்கின்றனா்; ஆனால், அதற்கான சட்ட அதிகாரம் நீதிமன்றங்களிடம் மட்டுமே உள்ளது என உச்சநீதிமன்ற நீதிபதி அபய் எஸ்.ஓகா ஞாயிற்றுக்கிழமை தெரிவித்தாா்.

மேற்கு வங்கத்தில் முதுநிலை பெண் பயிற்சி மருத்துவா் பாலியல் கொலை செய்யப்பட்டதையடுத்து, பாலியல் குற்றத்தில் ஈடுபடுவோருக்கு மரண தண்டனை விதிக்கும் சட்டத்தை இயற்றவுள்ளதாக அந்த மாநில முதல்வா் மம்தா பானா்ஜி அண்மையில் உறுதியளித்தாா்.

பெண் மருத்துவா் கொல்லப்பட்ட வழக்கில் குற்றவாளிகளுக்கு மரண தண்டனை விதிக்க வேண்டும் என மத்திய இணையமைச்சா் ராம்தாஸ் அதாவலே சனிக்கிழமை கோரிக்கை வைத்தாா்.