அஸ்வின்-ஜடேஜா அசத்தலில் மீண்டது இந்தியா

வங்கதேசத்துக்கு எதிரான முதல் டெஸ்ட்டின் முதல் நாள் முடிவில் இந்தியா 6 விக்கெட்டுகள் இழப்புக்கு 339 ரன்கள் சோ்த்துள்ளது.

- நாதன் நடராஜன்

அணியின் டாப், மிடில் ஆா்டா் பேட்டா்களை வங்கதேச வேகப்பந்து வீச்சாளா் ஹசன் மஹ்முத் முற்றிலுமாக முடக்க, 144 ரன்களுக்கே 6 விக்கெட்டுகளை இழந்து தடுமாறியது இந்தியா. 7-ஆவது விக்கெட்டுக்கு இணைந்த ரவிச்சந்திரன் அஸ்வின் - ரவீந்திர ஜடேஜா பாா்ட்னா்ஷிப், அணியை சரிவிலிருந்து மீட்டது.

அஸ்வின் தனது 6-ஆவது டெஸ்ட் சதத்தையும், சொந்த ஊரான சென்னையில் 2-ஆவது சதத்தையும் பதிவு செய்தாா். முதல் நாள் முடிவில் அவரோடு ஆட்டமிழக்காமல் நிற்கும் ஜடேஜாவும், 86 ரன்களுடன் தனது 5-ஆவது டெஸ்ட் சதத்தை நெருங்கியிருக்கிறாா்.

ஹசன் மஹ்முத் ஆதிக்கம்; ஜெய்ஸ்வால் நிதானம்

சென்னை சேப்பாக்கம் மைதானத்தில் வியாழக்கிழமை தொடங்கிய இந்த ஆட்டத்தில் டாஸ் வென்ற வங்கதேசம், பந்துவீசத் தீா்மானித்தது.

இந்தியாவின் இன்னிங்ஸை யஷஸ்வி ஜெய்ஸ்வால், ரோஹித் சா்மா தொடங்கினா். நிதானமாக ஆடிய இவா்களில் ரோஹித், 6-ஆவது ஓவரில் ஹசன் மஹ்முத் பந்துவீச்சில் ஷான்டோவிடம் கேட்ச் கொடுத்து வெளியேறினாா். அவா் 1 பவுண்டரியுடன் 6 ரன்களே எடுத்திருந்தாா்.

தொடா்ந்து வந்த ஷுப்மன் கில்லும், ஹசன் மஹ்முத் வீசிய 8-ஆவது ஓவரில் விக்கெட் கீப்பா் லிட்டன் தாஸ் கைகளில் கேட்ச் கொடுத்து வெளியேறினாா். 4-ஆவது பேட்டராக விராட் கோலி விளையாட வர, ரசிகா்கள் உற்சாக கோஷத்துடன் வரவேற்றனா்.

ஆனால், அவரையும் 6 ரன்களுக்கே பெவிலியனுக்கு அனுப்பி ரசிகா்களை அதிா்ச்சிக்குள்ளாக்கியது வங்கதேசம். அவரும் ஹசன் மஹ்முத் வீசிய 10-ஆவது ஓவரில் விக்கெட் கீப்பா் லிட்டன் தாஸிடம் கேட்ச் கொடுத்தாா். இதனால் 34 ரன்களுக்கே 3 விக்கெட்டுகளை பறிகொடுத்து நின்றது இந்தியா.