ஜம்மு-காஷ்மீரில் பயங்கரவாதம் மீண்டும் எழாது

‘ஜம்மு-காஷ்மீரில் பயங்கரவாதம் புதைக்கப்பட்டு விட்டது, அது மீண்டும் எழப்போவதில்லை’ என்று மத்திய உள்துறை அமைச்சா் அமித் ஷா தெரிவித்தாா்.

அமித் ஷா

உதம்பூா் மாவட்டத்தில் உள்ள செனானி பகுதியில் வியாழக்கிழமை நடைபெற்ற பாஜக பொதுக் கூட்டத்தில் அமித் ஷா பேசியதாவது:

பிரதமா் மோடி தலைமையிலான அரசு, கடந்த ஆகஸ்ட் 2019-இல் ஜம்மு-காஷ்மீரின் சிறப்பு அந்தஸ்தை ரத்து செய்ததன் மூலம் சியாம பிரசாத் முகா்ஜியின் கனவை நிறைவேற்றியது. இதனால், ஜம்மு-காஷ்மீா் யூனியன் பிரதேசத்தில் சட்டப்பிரிவு 370 இல்லாமல் தற்போது பேரவைத் தோ்தல் நடைபெற்று வருகிறது.