பாலசோரில் இருந்து பாடம் கற்கவில்லையா ரயில்வே?

கவரைப்பேட்டை விபத்து குறித்து நிபுணர்கள் கருத்து

தமிழகத்தின் கவரைப்பேட்டை ரயில் விபத்து, ஒடிஸா மாநிலம் பாலசோர் ரயில் நினைவுபடுத்துவது விபத்தை போன்று உள்ளது.

ஒடிஸாவின் பாலசோர் மாவட்டத்தில் கடந்த ஆண்டு ஜூன் மாதம் மூன்று ரயில்கள் ஒன்றோடொன்று மோதிய விபத்தில் 300 பயணிகள் உயிரிழந்தனர். 1,000-க்கும் மேற்பட்டோர் காயமடைந்தனர்.

நாட்டையே உலுக்கிய பாலசோர் விபத்து பாணியில் மீண்டும் ஒரு விபத்து தற்போது நிகழ்ந்துள்ளது ரயில் பயணிகளிடையே பீதியை ஏற்படுத்தியுள்ளது. சுமார் 300 பேர் உயிரிழந்த பாலசோர் விபத்து நேரிட்டு ஓராண்டுக்கு மேலாகியும், பயணிகளின் பாதுகாப்பில் ரயில்வே அக்கறை காட்டுவதில் சுணக்கம் இருப்பதாக குற்றச்சாட்டுஎழுந்துள்ளது.

கர்நாடகத்தின் மைசூரிலிருந்து பிகாரின் தர்பங்கா சென்று கொண் டிருந்த விரைவு ரயில் தமிழகத்தின் திருவள்ளூர் மாவட்டம், கவரைப் பேட்டை ரயில் நிலையம் அருகே வெள்ளிக்கிழமை இரவு 8.30 மணியளவில் சரக்கு ரயிலுடன் மோதி தடம் புரண்டு விபத்துக்குள்ளா னது. பயணிகள் அனைவரும் உயிர் தப்பினர்.