ஆராய்ச்சி மாணவர்களுக்கு வீட்டு வேலை; பணம், நகை கேட்கும் பேராசிரியர்கள்

கோவை பாரதியார் பல்கலைக்கழகத்தில் ஆராய்ச்சி மாணவர்களை வீட்டு வேலை செய்ய வழிகாட்டி பேராசிரியர்கள் நெர்ப்பந்திப்பதாகவும், நகை, பணம் கொடுக்கும்படி வற்புறுத்துவதாகவும் ஆராய்ச்சி மாணவர் ஒருவர் பட்டம் பெறும்போது ஆளுநரிடம் புகார் கடிதம் கொடுத்தது பரபரப்பை ஏற்படுத்தியுள்ளது.

கோவை பாரதியார் பல்கலைக்கழகத்தில் திங்கள்கிழமை நடைபெற்ற 39-ஆவது பட்டமளிப்பு விழாவில் ஆராய்ச்சி மாணவர்களுக்கு ஆளுநரும் பல்கலைக்கழக வேந்தருமான ஆர்.என்.ரவி பட்டம், பதக்கங்கள் வழங்கினார்.

அப்போது ஆளுநரிடம் பட்டம் பெற்ற ஆராய்ச்சி மாணவர் ஆ.பிரகாஷ், ஆளுநரிடம் கடிதம் ஒன்றைக் கொடுத்தார். பல்கலைக்கழகத்தில் நிலவும் பிரச்சினைகள் குறித்து இதில் குறிப்பிட்டிருப்பதாக கூறியதால் அந்தக் கடிதத்தை தனது துணைச் செயலர் பிரசன்ன ராமசாமியிடம் ஆளுநர் கொடுத்தார்.

இதைத் தொடர்ந்து பிரகாஷ் செய்தியாளர்களிடம் கூறியதாவது: பாரதியார் பல்கலைக்கழகத்தில் ஆய்வு மாணவர்களுக்கு பல்வேறு பிரச்சினைகள் உள்ளன. பல இடங்களில் அது தொடர்பாக முறையிட்டும் நடவடிக்கை எடுக்கப்படாத நிலையில் வேறு வழியில்லாமல் ஆளுநரிடமே புகார் கடிதத்தை கொடுத்துள்ளேன்.