கிழக்கு லடாக் எல்லையில் ரோந்து

இந்தியா-சீனா ஒப்பந்தம்

4 ஆண்டுகள் பிரச்னைக்கு முடிவு

கிழக்கு லடாக்கில் உள்ள எல்லை கட்டுப்பாடு கோடு (எல்ஏசி) பகுதிகளில் ரோந்துப் பணியை மேற்கொள்ள சீனாவுடன் ஒப்பந்தம் எட்டப்பட்டதாக இந்தியா திங்கள்கிழமை அறிவித்தது. இதன்மூலம் கடந்த நான்கு ஆண்டுகளாக இரு நாடுகளுக்கு இடையே எல்லையில் நீடித்து வந்த பதற்றமான பிரச்னைக்கு தீா்வு காணப்பட்டுள்ளது.

கடந்த 2020, ஜூன் மாதம், கல்வான் பள்ளத்தாக்கில் எல்லை தாண்டிய சீன வீரா்களுக்கும் இந்திய படையினருக்கும் இடையே ஏற்பட்ட மோதலுக்குப் பிறகு இரு நாடுகளுக்கும் எல்லைப் பகுதியில் ரோந்துப் பணி மேற்கொள்வதில் பல்வேறு சிக்கல்கள் இருந்து வருகின்றன. இதனால், அங்கு இருநாடுகளும் போட்டி போட்டு படைகளைக் குவித்தன. இதனால் அங்கு பதற்றமான சூழ்நிலை ஏற்பட்டு வந்தது.