தொடர் மழையால் நிரம்பியது முக்கடல் அணை

கன்னியாகுமரி மாவட்டத்தில் தொடர்ந்து பெய்துவரும் கனமழையால் முக்கடல் அணை முழு கொள்ளளவை எட்டியது.

இம்மாவட்டத்தில் வடகிழக்குப் பருவமழை தீவிரமடைந்துள்ள நிலையில், அணைகளுக்கு நீர்வரத்து கணிசமாக அதிகரித்து, நீர்மட்டம் வேகமாக உயர்ந்து வருகிறது.

பேச்சிப்பாறை, சிற்றாறு 1, மாம்பழத்துறையாறு ஆகிய அணைகளில் நீர்மட்டம் அபாய அளவை எட்டியதால், அந்த அணைகளில் இருந்து உபரிநீர் திறக்கப்பட்டு வருகிறது.

இதனால் கோதையாறு, குழித்துறை தாமிரவருணி ஆறுகளில் வெள்ளப்பெருக்கு ஏற்பட்டு திற்பரப்பு அருவியில் தண்ணீர் ஆர்ப்பரித்துக் கொட்டுகிறது.