சென்செக்ஸ், நிஃப்டி லாபத்துடன் நிறைவு

இந்த வாரத்தின் இரண்டாவது வர்த்தக தினமான செவ்வாய்க்கிழமை காலையில் கரடியின் பிடியில் இருந்த பங்குச்சந்தை பின்னர் காளையின் பிடிக்கு வந்தது. இதனால், மும்பை பங்குச்சந்தை குறியீட்டு எண்ணான சென்செக்ஸ் மற்றும் தேசிய பங்குச்சந்தை குறியீட்டு எண்ணான நிஃப்டி ஆகிய இரண்டும் நல்ல லாபத்துடன் நிறைவடைந்தன.

- நமது நிருபர்

நமது நிருபர் மும்பை/ புது தில்லி, நவ.5: உலகளாவிய சந்தை குறிப்புகள் நேர்மறையாக இருந்தன. இருப்பினும், உள்நாட்டு சந்தை சரிவுடன் தொடங்கி கீழே சென்றது. இந்நிலையில், விலை குறைந்த நிலையில் முன்னணி பங்குகளை வாங்குவதற்கு நல்ல ஆதரவு கிடைத்தது. குறிப்பாக, வங்கி, நிதி நிறுவனங்கள், ஆட்டோ, மெட்டல் பங்குகளுக்கு நல்ல ஆதரவு இருந்தது. அதே சமயம், மீடியா, எஃப்எம்சிஜி பங்குகள் சற்று விற்பனையை எதிர்கொண்டன என்று பங்கு வர்த்தக தரகு நிறுவனங்கள் தெரிவித்தன.