தொழில்துறைக்கு எதிரானவன் அல்ல; ஏகபோகத்தையே எதிர்க்கிறேன்

'நான் தொழில்துறைக்கு எதிரானவன் அல்ல; தொழில் துறையில் ஏகபோகத்தையே எதிர்க்கிறேன்' என்று மக்களவை எதிர்க்கட்சித் தலைவர் ராகுல் காந்தி தெரிவித்தார்.

ஆங்கில நாளிதழ் ஒன்றில் ராகுல் எழுதிய கட்டுரையில், 'முன்பு ஆங்கிலேய கிழக்கிந்திய நிறுவனம் நம் நாட்டின் மீது ஏகபோகம் செய்தது. கொஞ்சம் கொஞ்சமாக நாட்டையே கைப்பற்றியது. இப்போது வேறு சக்திகள் (இந்தியாவில் உள்ள பெரும் தொழிலதிபர்கள்) அந்த இடத்தை நிரப்ப முயற்சிக்கின்றன. இதனால் பெரும் அச்சம் ஏற்பட்டுள்ளது' என்று கூறியிருந்தார். இது மத்திய பாஜக அரசை விமர்சிக்கும் வகையில் இருந்தது.