டிராவில் முடிந்தது ஐஎஸ்எல் தொடரின் 1,000-ஆவது ஆட்டம்

ஐஎஸ்எல் கால்பந்து தொடரின் 1,000-ஆவது ஆட்டம் என்ற சிறப்புடன் நடைபெற்ற சென்னையின் எஃப்சி-மும்பை சிட்டி எஃப்சி அணிகள் ஆட்டம் 1-1 என டிராவில் முடிவடைந்தது.

இரு அணிகளுக்கு இடையிலான ஆட்டம் சென்னை ஜவாஹர்லால் நேரு விளையாட்டரங்கில் சனிக்கிழமை நடைபெற்றது.

இந்த ஆட்டம் ஐஎஸ்எல் தொடரின் 1,000-ஆவது ஆட்டமாக அமைந்தது.

ஆட்டத்தின் 9-வது நிமிஷத்தில் கானர் ஷீல்ட்ஸ் உதவியுடன் பந்தை பெற்ற சென்னையின் எஃப்சி அணியின் வின்சி பரேட்டோ பந்தை வேகமாக கடத்திச் சென்று பாக்ஸ் பகுதியின் வலது புறத்தில் இருந்து இலக்கை நோக்கி அடித்தார். ஆனால் அதை மும்பை சிட்டி எஃப்சி அணியின் கோல்கீப்பர் புர்பா லாசென்பா தடுத்தார்.