ராமேசுவரம் மீனவர்கள் 23 பேர் கைது

இலங்கை கடற்படை அத்துமீறல்

கச்சத்தீவு-நெடுந்தீவு இடையே 3 விசைப் படகுகளில் மீன்பிடித்துக் கொண்டிருந்த ராமேசுவரம் மீனவர்கள் 23 பேரை இலங்கைக் கடற்படையினர் ஞாயிற்றுக்கிழமை கைது செய்தனர். மேலும், அவர்களது 3 விசைப் படகுகளையும் பறிமுதல் செய்தனர்.

ராமநாதபுரம் மாவட்டம், ராமேசுவரத்திலிருந்து சனிக்கிழமை 350-க்கும் மேற்பட்ட விசைப் படகுகளில் 2,500-க்கும் மேற்பட்ட மீனவர்கள் மீன்வளம், மீனவர் நலத் துறை அனுமதி பெற்று, கடலுக்குள் மீன்பிடிக்கச் சென்றனர்.