எழுத்தாளர் இந்திரா சௌந்தர்ராஜன் காலமானார்

எழுத்தாளரும், ஆன்மிக சொற்பொழிவாளருமான இந்திரா சௌந்தர்ராஜன் (66) ஞாயிற்றுக்கிழமை (நவம்பர் 10) காலமானார்.

மதுரை டிவிஎஸ் நகரில் சத்யசாய் நகர் 4-ஆவது தெருவில் வசித்து வந்த இந்திரா சௌந்தர்ராஜன், தனது வீட்டில் மயங்கி விழுந்து உயிரிழந்தார். இவருக்கு மனைவி ராதா, மகள்கள் ஐஸ்வர்யா, ஸ்ரீநிதி ஆகியோர் உள்ளனர்.

இவர் மர்ம தேசம், சொர்ண ரேகை, விடாது கருப்பு போன்ற கதைகள் உள்பட 700 சிறுகதைகள், 340 நாவல்கள், 105 தொடர்களை எழுதியுள்ளார். சிருங்காரம், ஆனந்தபுரத்து வீடு, இருட்டு ஆகிய திரைப்படங்களிலும் பணியாற்றியவர். இவரது படைப்புகள் திரைப்படங்களாகவும், தொலைக்காட்சி தொடர்களாகவும் வெளியாகியுள்ளன.