தர்மத்தை காத்தால் தர்மம் நம்மை காக்கும்; காஞ்சி சங்கராசாரிய சுவாமிகள்

தர்மத்தை நாம் பாதுகாத்தால் தர்மம் நம்மை காக்கும் என காஞ்சி சங்கராசாரியர் ஸ்ரீ விஜயேந்திர சரஸ்வதி சுவாமிகள் தெரிவித்தார்.

காஞ்சிபுரம், நவ. 10:

கடந்த ஒரு வாரமாக கர்நாடக மாநிலத்தில் விஜய யாத்திரை மேற்கொண்டுள்ள காஞ்சி சங்கராசாரிய சுவாமிகள், ஸ்ரீசேத்திரம் தர்மஸ்தலத்தின் தர்மாதிகாரி வீரேந்திர ஹெக்கடே அழைப்பின் பேரில் சனிக்கிழமை அமிர்த வர்ஷினி சபா பவனத்துக்கு எழுந்தருளினார். ஊரின் நுழைவு வாயிலில் மங்கள மேள வாத்தியங்களுடன் ஊர்வலமாக சுவாமிகளை வரவேற்று அழைத்துச் சென்று கௌரவித்தனர்.

இதன்பின்னர் காஞ்சி சங்கராசாரியர் சுவாமிகள் ஆசியுரை வழங்கிப் பேசியது: தர்மத்தை நாம் பாதுகாத்தால் தர்மம் நம்மை காக்கும். தர்மஸ்தலம் அழகும் கலாசாரமும் நிறைந்த மற்றும் சேவையின் சிகரமாகவும் திகழும் நகரமாகும்.