அரசு செயல்திறன் துறை தலைவராக எலான் மஸ்க்

அமெரிக்க அரசு அமைப்புகளின் செயல் திறனை மேம்படுத்துவதற்கான துறையின் தலைமைக்கு தொழிலதிபர் எலான் மஸ்கையும் இந்திய வம்சாவளியைச் சேர்ந்த விவேக் ராமசாமியையும் அந்த நாட்டின் அடுத்த அதிபராகப் பொறுப்பேற்கவிருக்கும் டொனால்ட் டிரம்ப் நியமித்துள்ளார்.

இது குறித்து அவர் வெளியிட்டுள்ள அறிக்கையில் தெரிவிக்கப்பட்டுள்ளதாவது: அரசு செயல்திறன் மேம்பாட்டுத் துறைக்கு சிறந்த தொழிலதிபர் எலான் மஸ்கும், தீவிர தேசபக்தர் விவேக் ராமசாமியும் தலைமை வகிப்பார்கள்.

அவர்கள் இருவரும் அமெரிக்க அரசு அமைப்புகளில் மாற்றத்தை ஏற்படுத்தி, அவற்றின் செயல்திறனை மேம்படுத்துவார்கள். முக்கியமாக, அரசுத் துறைகள் மேற்கொள்ளும் வீண் செலவுகள் காரணமாக அரசுக்கு ஆண்டுதோறும் ஏற்படும் 6.5 லட்சம் கோடி டாலர் (சுமார் ரூ.135 லட்சம் கோடி) இழப்பை அவர்கள் தடுத்து நிறுத்துவார்கள்.