திராவிட மாடல் ஆட்சியால் தொழில் மறுமலர்ச்சி

தமிழகத்தில் திராவிட மாடல் ஆட்சி தொழில் மறுமலர்ச்சியை ஏற்படுத்தியுள்ளது என முதல்வர் மு.க.ஸ்டாலின் பெருமிதத்துடன் குறிப்பிட்டார்.

அரியலூர் கொல்லாபுரத்தில் வெள்ளிக்கிழமை நடைபெற்ற அரசு விழாவில், அரியலூர் மற்றும் பெரம்பலூர் மாவட்டங்களில் முடிவுற்ற திட்டப் பணிகளைத் திறந்துவைத்தும், புதிய திட்டப் பணிகளுக்கு அடிக்கல் நாட்டியும், பயனாளிகளுக்கு நலத்திட்ட உதவிகளை வழங்கியும் அவர் பேசியதாவது:

அரியலூர் மாவட்டத்தில் முடிவுற்ற 51 பணிகளைத் திறந்து வைத்துள்ளேன். 26 பணிகளுக்கு அடிக்கல் நாட்டியுள்ளேன். பெரம்பலூர் மாவட்டத்தில் முடிவுற்ற 456 பணிகளைத் திறந்துவைத்துள்ளேன். 27 பணிகளுக்கு அடிக்கல் நாட்டியுள்ளேன். மொத்தமாக, ரூ.173 கோடியே 96 லட்சம் மதிப்பீட்டிலான நலத்திட்ட உதவிகள் வழங்கப்பட்டுள்ளன.