கேள்வி எழுப்ப அனுமதி மறுப்பு; எதிர்க்கட்சிகள் வெளிநடப்பு

இந்திய-சீன உறவுகள் தொடர்பாக வெளியுறவுத் துறை அமைச்சர் எஸ்.ஜெய்சங்கர் ஆற்றிய உரை மீது கேள்வி எழுப்ப அனுமதி மறுக்கப்பட்டதால், மாநிலங்களவையில் எதிர்க்கட்சிகள் புதன்கிழமை வெளிநடப்பு செய்தன.

இந்திய-சீன உறவுகள், லடாக் படை விலக்கல் குறித்து மக்களவையில் செவ்வாய்க்கிழமை உரை நிகழ்த்திய எஸ்.ஜெய்சங்கர், மாநிலங்களவையில் புதன்கிழமை உரையாற்றினார்.

அப்போது, 'எல்லையில் பதற்றத்தை தணிப்பதும், எல்லைப் பகுதி செயல்பாடுகளில் திறன்மிக்க மேலாண்மையும் இருதரப்பு உறவு மேம்பாட்டுக்கு முன்நிபந்தனையாகும். அந்த அடிப்படையில், இவ்விரு விவகாரங்களும் இருதரப்பிலும் வரும் நாள்களில் விரிவாக விவாதிக்கப்படும்.