நாட்டின் சுயமரியாதை சக்தியாக மாற்றுத்திறனாளிகள்!

மாற்றுத்திறனாளிகள் தேசத்தின் கெளரவம், சுயமரியாதையின் சக்தியாக மாறி வருகிறார்கள் என்று பிரதமர் நரேந்திர மோடி தெரிவித்தார்.

டிசம்பர் 3-ஆம் தேதி சர்வதேச மாற்றுத்திறனாளிகள் தினம் கடைப்பிடிக்கப்பட்ட நிலையில் அது தொடர்பாக பிரதமர் மோடி விடுத்த செய்தியில் கூறியிருப்பதாவது:

மாற்றுத்திறனாளிகளின் துணிவு, தன்னம்பிக்கை மற்றும் சாதனைகளுக்கு மரியாதை செலுத்த சிறந்த வாய்ப்பாக மாற்றுத்திறனாளிகள் தினம் அமைந்துள்ளது. மாற்றுத்திறனாளிகளுக்கு மரியாதை செலுத்துவது இந்தியாவின் பண்பாட்டில் உள்ளார்ந்த ஒன்றாக இருக்கிறது. நமது வேதங்களிலும், நாட்டுப்புறக் கதை, பாடல்களிலும் மாற்றுத்திறனாளி நண்பர்களுக்கான மரியாதை உணர்வு பொதிந்துள்ளது.

மனதில் உற்சாகம் கொண்டவனுக்கு உலகில் முடியாதது எதுவுமே இல்லை என்பது ராமாயணத்தில் கூறப்பட்டுள்ள ஒரு ஸ்லோகத்தின் அர்த்தமாகும். இந்த உற்சாகத்துடன் இந்தியாவில் உள்ள நமது மாற்றுத்திறனாளிகள் தேசத்தின் கெளரவம், சுயமரியாதையின் சக்தியாக மாறி வருகிறார்கள்.