மகாராஷ்டிர பேரவையில் புதிய எம்எல்ஏ-க்கள் பதவியேற்பு

மும்பை, டிச. 7: மகாராஷ்டிர சட்டப் பேரவையின் மூன்று நாள் சிறப்பு கூட்டத்தொடர் சனிக் கிழமை தொடங்கியது. முதல் நாளில், முதல்வர் தேவேந்திர ஃபட்னவீஸ், துணை முதல்வர்கள் ஏக்நாத் ஷிண்டே, அஜீத் பவார் உள்ளிட்ட புதிய எம்எல்ஏ-க்கள் பதவியேற்றனர்.

அதேநேரம், வாக்குப்பதிவு இயந்திரங்களில் முறைகேடு நடைபெற்றதாக குற்றஞ்சாட்டி, எதிர்க்கட்சி எம்எல்ஏக்கள் பதவியேற்பை புறக்கணித்து வெளிநடப்பு செய்தனர்.

288 உறுப்பினர்களைக்கொண்ட மகாராஷ்டிர சட்டப் பேரவைக்கு கடந்த நவம்பரில் நடைபெற்ற பேரவைத் தேர்தலில், பாஜக தலைமையிலான 'மகாயுதி' கூட்டணி 230 இடங்களுடன் அமோக வெற்றி பெற்றது. இக்கூட்டணியில் பாஜக 132, ஏக்நாத் ஷிண்டே தலைமையிலான சிவசேனை 57, அஜீத் பவார் தலைமையிலான தேசியவாத காங்கிரஸ் 41 இடங்களைக் கைப்பற்றின.