விவசாயிகளின் கோரிக்கைக்கு நீதிமன்றக் கதவுகள் எப்போதும் திறந்திருக்கும்: உச்சநீதிமன்றம்

'விவசாயிகளின் எந்தவொரு ஆலோசனை அல்லது கோரிக்கைகளுக்கும் நீதிமன்றத்தின் கதவுகள் எப்போதும் திறந்திருக்கும்' என உச்சநீதிமன்றம் புதன்கிழமை தெரிவித்தது.

விவசாயிகளின் கோரிக்கைகளை மத்திய அரசு ஏற்க வலியுறுத்தி கடந்த நவம்பர் 26-ஆம் தேதி முதல் விவசாயிகள் சங்கத்தின் தலைவர்களில் ஒருவரான ஜக்ஜித் சிங் தலேவால், பஞ்சாப்-ஹரியாணா இடையிலான கனௌரி எல்லையில் சாகும் வரை உண்ணாவிரதப் போராட்டத்தில் ஈடுபட்டு வருகிறார்.

இந்த விவகாரம் குறித்து கடந்த வெள்ளிக்கிழமை விசாரணை மேற்கொண்ட உச்சநீதிமன்றம், ஜக்ஜித் சிங்குக்கு மருத்துவ உதவிகளை வழங்கி, உண்ணாவிரதத்தை முடித்துக்கொள்ள அறிவுறுத்துமாறு மத்திய அரசுக்கும், பஞ்சாப் மாநில அரசுக்கும் அறிவுறுத்தியது.