எரிவாயு லாரி விபத்து: தீயில் கருகி 11 பேர் உயிரிழப்பு

35 பேர் காயம், 37 வாகனங்கள் சேதம்

ராஜஸ்தான் தலைநகர் ஜெய்பூரில் உள்ள ஜெய்பூர்-அஜ்மீர் நெடுஞ்சாலையில் சமையல் எரிவாயு (எல்பிஜி) டேங்கர் லாரியும், மற்றொரு லாரியும் மோதிய விபத்தால் எரிவாயு கசிந்து பயங்கர தீ விபத்து ஏற்பட்டது.

37 வாகனங்கள் தீக்கிரையான இச்சம்பவத்தில் 11 பேர் உடல் கருகி உயிரிழந்தனர். 35-க்கும் மேற்பட்டோர் பேர் காயமடைந்தனர். இவர்களில் பாதி பேரின் நிலைமை கவலைக்கிடமாக உள்ளதால் உயிரிழப்பு எண்ணிக்கை அதிகரிக்கும் என அஞ்சப்படுகிறது.

ராஜஸ்தானை உலுக்கியுள்ள இந்த விபத்து குறித்து ஜெய்பூர் காவல் ஆணையர் பிஜு ஜார்ஜ் ஜோசப் கூறியதாவது:

ஜெய்பூர்-அஜ்மீர் நெடுஞ்சாலையில் பள்ளியொன்றின் முன்பாக வெள்ளிக்கிழமை அதிகாலை 5.45 மணியளவில் எல்பிஜி டேங்கர் லாரி மற்றொரு லாரி மீது மோதி விபத்துக்குள்ளானது.