மன்னிப்பு கோரினார் விளாதிமீர் புதின்

பயணிகள் விமானம் கஜகஸ்தானில் விழுந்து நொறுங்கிய சம்பவம் குறித்து ரஷிய அதிபர் விளாதிமீர் புதின் மன்னிப்பு கோரினார்.

இது குறித்து ரஷிய அதிபர் மாளிகையான கிரெம்ளின் சனிக்கிழமை வெளியிட்டுள்ள அறிக்கையில் தெரிவிக்கப்பட்டுள்ளதாவது: கஜகஸ்தானில் அஜர்பைஜான் ஏர்லைன்ஸ் விமானம் விழுந்து நொறுங்கி ஏற்பட்ட விபத்து மிகவும் துயரமான சம்பவம் ஆகும்.

ரஷிய வான் எல்லைப் பகுதியில் ஏற்பட்ட இந்தச் சம்பவம் தொடர்பாக அஜர்பைஜான் அதிபர் இல்ஹம் அலியெவிடம் அதிபர் விளாதிமீர் புதின் மன்னிப்பு கோரியுள்ளார்.

அந்த விபத்து நேரிட்டபோது, ரஷியாவின் மோஸ்டோக் மற்றும் விளாதிகாவ்காஸ் நகரங்களில் ட்ரோன்கள் மூலம் உக்ரைன் ராணுவம் தாக்குதல் நடத்திக்கொண்டிருந்தது. ரஷியாவின் வான்பாதுகாப்பு தளவாடங்கள் அந்தத் தாக்குதலை முறியடிக்கும் பணியில் ஈடுபடுத்தப்பட்டிருந்தன என்று அந்த அறிக்கையில் குறிப்பிடப்பட்டுள்ளது.