இரு ரவுடிகள் வெட்டிக் கொலை: மூன்று தனிப்படையினர் விசாரணை

சென்னை கோட்டூர்புரத்தில் இரு ரவுடிகள் வெட்டிக் கொலை செய்யப்பட்ட வழக்கில் தொடர்புடையவர்களை கைது செய்ய 3 தனிப்படையினர் அமைக்கப்பட்டு, துப்பு துலக்கப்படுகிறது.

சென்னை, மார்ச் 17:

கோட்டூர்புரம் ‘யு’ பிளாக் குடியிருப்பைச் சேர்ந்தவர் அருண் (25). ரவுடியான இவர் மீது 6 வழக்குகள் உள்ளன. அருண், ஒரு வழக்கில் கைது செய்யப்பட்டு சிறையில் அடைக்கப்பட்டிருந்த போது படப்பையைச் சேர்ந்த சுரேஷ் என்ற ரவுடியின் அறிமுகம் கிடைத்துள்ளது. இருவரும் சிறையிலிருந்து வெளியே வந்த பின்னரும் தங்கள் நட்பைத் தொடர்ந்து வந்தனர்.

சுரேஷ் படப்பையிலிருந்து அடிக்கடி கோட்டூர்புரம் பகுதிக்கு வந்து அருணைச் சந்தித்துச் செல்வது வழக்கம். அதன்படி அவர்கள் இருவரும் ஞாயிற்றுக்கிழமை இரவு கோட்டூர்புரம் சித்ரா நகர் ‘யு’ பிளாக்கில் உள்ள நாகவல்லி அம்மன் கோவில் அருகே மது அருந்தினர். பின்னர் இருவரும் மதுபோதையில் அங்கேயே படுத்துத் தூங்கியுள்ளனர்.