ரயில்களின் வசதிக்கேற்ப கட்டணம் நிர்ணயம்

ரயில்களில் வழங்கப்படும் சேவைகள், அவற்றில் உள்ள பல்வேறு நவீன வசதிகளுக்கேற்ப அனைத்துத் தரப்பு பயணிகளும் பயன்பெறும் வகையில் ரயில் கட்டணங்கள் நிர்ணயிக்கப்படுவதாக மத்திய ரயில்வே அமைச்சர் அஸ்வினி வைஷ்ணவ் புதன்கிழமை தெரிவித்தார்.

புது தில்லி, மார்ச் 19: ரயில்களில் வழங்கப்படும் சேவைகள், அவற்றில் உள்ள பல்வேறு நவீன வசதிகளுக்கேற்ப அனைத்துத் தரப்பு பயணிகளும் பயன்பெறும் வகையில் ரயில் கட்டணங்கள் நிர்ணயிக்கப்படுவதாக மத்திய ரயில்வே அமைச்சர் அஸ்வினி வைஷ்ணவ் புதன்கிழமை தெரிவித்தார்.

குறைந்த வருமானத்தை உடைய மக்களும் அதிநவீன வசதிகளுடைய வந்தே பாரத் ரயில்களில் பயணிக்கும் வகையில் அந்த ரயில்களுக்கான பயணக் கட்டணத்தை குறைக்க மத்திய அரசு பரிசீலித்து வருகிறதா? என காங்கிரஸ் எம்.பி. ரகிபுல் ஹுசைன் மக்களவையில் எழுப்பிய கேள்விக்கு அஸ்வினி வைஷ்ணவ் இவ்வாறு பதிலளித்தார்.